Treneko irakurleak:

liburua besapean eramaten dutenak

ingurukoek ikus dezaten

zeinen intelektualak diren.

Loak hartzen ditu

eserleku gogorretan

eta amets egiten dute

ametsak eskuragarriak balira bezala.

Amets kimikoak

izaten dituzte,

serotoninaren jario artifiziala

eragiten dituzten horiek.

Geltokietan eros daitezke

nahi izanez gero

treneko irakurleak bezain faltsuak diren

amets kimikoak,

irakurleok lerroen artean bilatzen

saiatzen badira ere.