II

Leitzako

eliza grisa

euripean disdiratsu

ikusi nahi nuke berriro.

Suparrobiko

haize basatien beharra

hezurretan urtzen

senditzen dut

gauez gau

bizitzaren ingurutxo etengabea

dantzatuz

patxi perurena txixtulari.

landan asmatu poesi etilikoaren konzeptua.

ruper ordorika iparralde egunean.

itziaren abots metalikoa.

gotzoneren irrintzinak.

imaren irri gozoak.

koxemari gandiagaren hiru gizon bakarkaz mintzo.

eta besteak

eta besteak...

burua zartatu zait

Leitzan

eta aspaldiko partez

gorputzeko nekadura astuna sumatu dut:

laino pean

belar umilen izpirituei hurbildu naiz.

Leitzarrok!

Leitza rock!