Joxe Arregi

(lau urte)

            —I—

Sagatsen begi ireki berri

iletsuak

errekastoen ibarretan

goiza laztantzen

Belakilika orlegietan musu

hori mina

argiaren irriparra

Aitzen kaobazko adats biluziak

—enbor beltzak

              artezak—

eta urresti malkotsuak

                negar batetan

            —II—

Errepidean

katu gorpua          motu

            ahoa odoletan

Hiriko teilatudi ganan ere

              gorri argiaren ezpain

                              goiztiarra

                emeki irekitzen

                egun sentiaren hatsa

            —III—

Su gabeko ketan oro

                    etxe zuloa

                    itsasadarra

          grua argoien oinak

                                dena

                                ketan

            —IV—

Ke gabeko sutan

                  geu

                      Joxe

                  geu

ke bariko sutan

            —V—

      Hara han

                    torturazuloa

Berari darion isiltasun ofizialean

                    torturatuon

                    karraxi basatiak

                    zamalkatzen dira

                                          Nora?

          altzairua urtzera

          altzairua urtzera

                                                Joxe

            —VI—

Altzairu urtua

    itsaso bat

            Joxe

    itsaso bat

Altzairu urtua

            —VII—

Elektrodoak

Pikana

Bainontzia

Kirofanoa

                izuen geografia berria

                pausoz pauso ibilia

                askatasuna inguratzen duen eremuan

                bizi zareten hezurrezko eta haragizko

                mamu teknifikatuok

                ikasiak ditugu zuen izena

                gau amaitezinetan zehar