Maitasun eta gorrotoen apunte nahasiak

                                        Bere pozoinaz

                                        jarkiezinezko

                                        eta gazimin

                                        gorputzadarren

                                        laxatzaile horrek, Maitasunak

                                        narrasti baten antzera

                                        lur jo erazten nau.

                                                                      (Sapho)

(Gogo eta helburu

  batzen zaizkit

  iradoki soilean).

Zapiaren isladan

murgilduz,

eta barruratuz,

gurkera erraza dagi

zure hasperenak.

Zuk ba dakizu.

Eta mila bekatu

burmuinetaratzen zait.

Ezinezko azti gogoetak

jaurtiki adibidez,

odeietan erditzen diren

oinazturen antzo.

Maitasunaren hordialdirik balego,

bihotzean izan gabe,

hondamenerat bortxatu;

edo bizitza zapuzturat.

Eta zuk ba dakizu.

Ez ala?

Ez nauzula maite.

Eta mila bekatu

gogoratzen zaidanean,

ene begiak,

malkoak zauritzen dituela.

Eta niniak xehatzen dizkidala

nigarrak.