Arrotz eta eder
Arrotz eta eder
2016, poesia
136 orrialde
978-84-92468-85-0
azala: Xabi Erratzu
Pako Aristi
1963, Urrestilla
 
2014, poesia
2003, poesia
2001, poesia
 

 

HEZIKETAREN HISTORIA

 

 

Zer egiten dugu

bereziak garela

agertzeko,

eta zer

agertzen zaigu

berez,

berezia dela

susmatu gabe?

 

Zenbat lan

originalak izaten,

gure originaltasuna

inpunitate guztiarekin

ezabatu dutenean?

 

Moldakaitz zioen

irakaslearen oharrak

moldean sartu nahi

ez zuenaren libretan.

Ezin izan

izan nahi genuen gisako,

ba ote ezintasun

larriagorik?

 

Negarra aurrena,

txupetea hurrena,

debekatu ziguten

eskuekin jatea

eta jolas egitea,

gure barnean udaberria

ernamuinetan zenean.

 

Zenbat lan, orain

gizarteak berezitzat

daukanaren bila,

eta zein urrun

geure berezkotasunetik,

denen mesederako

antzutu ziguten

nortasunetik.