Urari ostutako poemak
Urari ostutako poemak
2014, poesia
104 orrialde
978-84-92468-59-1
azala: Oihana Leunda
Pako Aristi
1963, Urrestilla
 
2016, poesia
2003, poesia
2001, poesia
 

 

ITSASOARI BEGIRA

 

Badira pertsonak

itsasoari begira

mundua ulertzera

iristen direnak.

 

Bada liburuak

irakurtzen dituenik

halan itsasoa

ulertuko duelakoan.

 

Bada itsasoari begira

bizitza bera

uler daitekeela

uste duenik ere.

 

Eta badira pertsonak

itsasoari begiratu

ahal izateko soilik

bizi direnak.

 

Mundua eta bizitza

elkartzen baitira

begirada itsasoarekin

batzen den angeluan,

sahatsaren eta kresalaren

arteko muxuaren aroan.