azken egunean soineko zuri bat jantziko dut

eta svínafellsjökullen letagin zorrotzetatik

oinutsik ibiliko naiz korrika eginen dugu

aintzira glaziarrean gure gorputza ahantzi

eta izotzaren kantua jarraituko dut

taupadak moteltzen joanen dira

iraganeko errauts beltzak gure zainetan

azala urdintzen begiak zuritzen

zaizkigun bitartean

gure izena ere ahaztuko

dut izotzezkoa

izanen naiz

glaziarraren

mingaina ukitu

eta elur-luma

bat kristal

txiki bat

izan

en ga

ra