requiem

Hezur eta haragizko izeberg

lur hartzerakoan lur jota,

sugarren artean itotzen akabo

Joe.

Galtzerdiaren azpiko

errekamaran betoz prest

algebra bizkor baten aldeko

kamikaze birjaioberriak

Baxter,

ojala berriz!

Beldurrari ikasi genizkion

paradigma baldarrak,

hainbat maskuri-dantzariren

gomazko durundak,

triku-trikuan goizero

hankutsik zetozen komando japonesak

etsi-etsian hire zain

aireportuaren erdian kiskaltzen.

          w1985