Puta bat hil duk!

Kaioak ere mozkorturik zebiltzek hi!

Eta Marta ez zegok betiko kantoian,

sargoria berriz ere botaka ari

eta gu mehatxuka barregarri.

Badakik guk ere bihotza daukagula?

Zetazko ipuinetan azaltzen bezalaxe,

eta batzutan negar-malkoak

                                darizkigogu,

                                ezkutuan

                                gutxitan...

Marta ez zegok betiko kantoian

kaioak ere mozkorturik zebiltzek hi!

eta odola borborka

izerdi patsetan...

eta gu mehatxuka barregarri.

Zergatik hautsi dun

                          gauaren oreka?

                          beltzaren fereka?

Non hire keinuaren kexua?

Zetazko ipuinetan bezalaxe,

eta batzutan negar-malkoak

                                  darizkiogu,

                                  ezkutuan,

                                  gutxitan...

Hire hizkera zakarrak

                      ez gatxin jotzen

eta zaborra umezurtz, zain

geure begi kargatuek ezin ikusi

hire plastikozko itxura malgua,

hire bular giltzapetuen garraixia

                                          ezin somatu...

Jendearen marmarak erotzen natxik!

Begi zorrotzak lurrean eroriak

                                        isladatu egiten dituk!

                                        Kalean behera irristatzen!

                                        asfaltoa gogoz koloreztatzen!

Puta bat hil duk!

            Ez besterik.

Ohizko panpina anonimoa

eta muzin bat boteaz

                  bideari darraikiote.

Kaioek ere mozkorturik zebiltzek hi...!