«Mundu poetiko diferente batean sartu gaitu, euskarak ohituak gauzkan horretatik bai behinik behin. Odola, semena, heriotza, etsipena, kale bakartiak, herra, ustelkeria eta hainbat bider errepikatzen diren zentzu negatiboko hitzak ditu maiteen poeta honek».

«Oraingo honetan poesia esentziala dugula esan genezake, biluzia alegia, eta era berean hermetikoagoa. Ez da hemen ere edertasunaren mirespenetan aspertzen baina botatzen dituenak sarritan borobilak eta gogorrak badira ere, ez zaizkigu abiada bizian heltzen. Hausnartu egin behar, apika».