GARAGARDOAREN ARRATSALDE ZAPOREA

Euskalduna tabernan bildu

ohi ziren irakasleak

jolasgaraian

dagoeneko dostatzeko

betarik ere ez genuen garaian

egunez zaharren

ezkutaleku ziren ostatuak

gau-zuloak ziren guretzat

alkohola eta argiak

saltzen zituzten tokiak

kafearen garratza eta

garagardoaren arratsalde zaporea

deskubritzen hasi berriak elkartu ginen

lehen eta azken aldiz Lubaki Bandaren

bertsio zonbi bat egiteko