GEHRYREN MIRARIA

Sotoan txiroak eta saguak

bizkar gainean marinel andana

zubian mozkorrik lo kapitaina

hutsik burdinaren diru-zakuak.

Aspaldi itzalita kostako suak

txatarra-biltegi portu izana

etxe uretan be beti izaina

eta gorrotozko aho-keruak.

Gehryk behingoan jakin egia:

urpean zetzan gure Atlantida

(atlanteekin han batera hilda);

eta Bilbo zer zen: mamu-ontzia.

Eta hara orain ba, zein miraria:

(Titanio horrek duen distira)

iragan aroak berpiztu dira.

Galeoiak badu lema berria.