Ezkatak
Ezkatak
2006, poesia
80 orrialde
84-95511-80-0
azala: Xabier Gantzarain
Leire Bilbao
1978, Ondarroa
 
2020, poesia
2011, poesia
 

 

ARRAINAK

 

Zure esku ahurreko errekan

igerian aritu nintzen behin,

zure esku ahurreko arrainak bezala ur azalean

lotan zeundela izan zen.

Amu galderekin harrapatu nahi izan nituen

erreka azaleko arrainok,

itaun egin nien zure marinel garaiez,

baina ez zidaten ezkata laztanik egin nahi izan,

ihes egin zidaten zure kresal begiek bezala.

Zure esku ahurreko urpean

birikak estutu zitzaizkidanean baino

ez nintzen konturatu

meandro gehiegi dauzkala egiak

itsasoa deritzon ohe kulunkari horretara

ailegatu aurretik.