Badakizu ez naizela

naizen bezalakoa,

Mediterraneoko ur epeletan

galdu baitzen nire isla gardena.

Istanbulen nago

probokazio imintzio ororen zain,

patxadaz betetako

anfora koloreztatuen edukia

itsasoko uretan isuriz.

Zure itsasontzia urrutitik ikustean

orduan hasiko da lasaitasuna urrituz

eta anfora horiek

berriz ere beteko ditut,

emeki.

Menderatuko ditugu

mendebaldetik datozen

haize epelak,

esentziaz betetakoak.

Ez gara ikaratuko

itzulbiderik ez dagoela jakitean,

ez dugulako sorterrira itzuli nahi.

Ez da ezinbestekoa sorterrira itzultzea.