Maite ditugu eskuliburuak

idatzitakoaren laburpena diren aldetik

eta beldur diegu poeta gazteei,

haiek baitira bidaia guztien desantolatzaileak,

gure sentimendu ezkutuekin

hipoteka etnizista-biologikorik ez dutenak.

Sendatu nahi dugu geure larrimina

sentimendu eta oroitzapen guztiak

modu zientifikoz aurkeztuz arrotzei.

Berdintasunaren teoria.

Gure bidaia iniziatikoa atzeratzen dugu

malko berrien beldurrez.

Esparruen teoria.

Gure bidaia legitimatzen duten bidelagunak

bost duroko hitzekin.

Hiru ontzien uztardura.