Papera dudanez isiluneen antzeztoki,

orriaren ertzean aho malmutz bat ikusten dut barreka.

Aldika, begitantzen zaidanean pentagrama betegarria,

oharrak zirriborratzen ditut,

galdera-marka artean itotako gaztiguak,

ordularien kutxetatik hilerri batetik bezala

uluka dabiltzan dei txakurtuak,

leihoetan bet-betan agerturiko mezuak,

sentiera arrunta esplikatzeko definizio-saioak,

off ahotsak...

ohar orokorrak.