LOBARI GUTUNA

Katagorri hori:

                        Jaso dut zure eskutitza

ikaragarri poztu nauena eta horregatik

hauxe idatziko dizut nik. Asko gustatu zait

zure ikastolaren sinboloa ondo marrazten duzu

ni ere ez naiz txarra etzazula pentsa baina

ez dakit nola margotu ikastola honen sinboloa.

Honezkero udako oporrak emango zizkizuten

hemen bero handia egiten du lehendik ere

sobera bero geunden arren. Gaur igual

oilaskokia ekarriko digute bazkaltzeko.

Ondo pasa oporrak besarkada bat etxeko

guztiei musu handi bat zuri.

P.D.— Larunbatean lagun bat ekarri zuten

ikastola berezi batetik eta hango maixu

txoro batek kuarto beltzera eraman zuenean

eskaileretan behera plaust erori zen

edo holako zerbait eta txikituta dauzka

hortz guztiak eta Joxemari du izena. Aio.