Gaur egun ez dago noski klase diferentziarik,

alabaina bada, patuak hala xedaturik,

arestian goi klasea esaten zitzaion jende bat

besteak beste emakumezkoarenganako

sentiberatasun aparta aitortu behar zaiona:

Beren emaztea sukaldeko kuxidadean

higatzen utzi baino lehen, gizon horiek

neskame bat jarriko dute haren esanetara.

Halaber larrialdiren bat gerta badakio

beraien andere zoko-betegarriari

                —verbi gratia buruko mina—

errespetatu eginen dute ohantze mesederik

                exigitu gabe

eta neskame bat jarriko beren zerbitzuko.