Eta amodioa herrira etorriko balitz...

bizitza ikusiko luke dolby-stereoan tabernetan igeri

zer amodioa herrira etorriko balitz?

desamodio herdoilduen herrian

kristalezko bihotza nagusitzean

itxaropen herrenak balantzatzen dira

txantxarrezko barreetan hausten

beirak eta kristalak bihotzean

tximeleta besamotz baten itzala isurtzen da

betaurrekoen ispilu hotzean begi ninian

isaladatzen lotsaren izenik gabeko gazteluen ateak

zabaltzen dira

bildotsak biloetan nahasten

hatz lodietan sostengatzen da desioa

eta erortzen dira azalera

hondoan gorderiko kate pentsamenduak

ilargiak iluntzen

zeruak oskarbitzen

ekiak itotzen itsasoetan

iruzurrak gauzatzen egiak gezur aitortuz

mundua dantzan esnatzen da gezurrak egiaztatzen

bart eginiko promesak kale garbitzailearen

erratzean biraka

armiarma jostarratzean pasira

maitasuna dator herrira

desiraren alfonbra gorrian galtzera

balea itsasoan bezala

han egonen dira

arrantzaleak sareekin garbitzaileak erratzekin

han egonen dira

maitasunaren mugak marrazten amodioaren gerizpean

oztopo bi mugak ezartzeko...

maitasuna izanen da hanka azpitako zikinkeria

oztopo bat mugak ezartzeko...