Mila urte igaro eta, ura bere bidean
Mila urte igaro eta, ura bere bidean
1993, poesia
68 orrialde
84-86766-44-3
azala: James McMullan
Andolin Eguzkitza
1953, Santurtzi
2004, Bilbo
 
2004, poesia
 

 

LAGUN LIRAIN BATI

 

D. O'Connor-i

 

                                L'amor es el plaer

                                gratuit i sincer

                                un joc ple de frisances

                                un poema de pells

                                on el sexe es l'accent

                                d'un senzill llenguatge.

                                            ( Lluis Llach )

 

Malkoak

darie ene begioi,

bitsa

arroketan erasotzen gaituzten uhin berde atseginei,

odola, aldiz,

ene nahikunde panpoxari,

orain

itsaso lehorrerantz noalarik

ezak zurrupatua,

desirak baldartua,

amildegi honetan behera

maitasunaren zalantzak

bultzatua.

 

Allegro goibel honetaz narama

tristeziak,

zure gorputz

sendo, polit, beltzaran,

azal leunaren

nahiak,

ene besoarteko

eguzkiprintz bero antzo

zure sotiltasunaren

finak,

zure ezpain,

zure ile eta

begien indarrak.

 

Zuhaitz tinko,

kemena,

amodio garaitezina.