Eskerrik asko, Aloña, Igone, Irular eta Sara, liburua idazteko zeuon Arruarteko paradisua uzteagatik. Eskerrik asko, Xabier Eizagirre, zure ohar eta zuzenketengatik. Eskerrik asko gure gurasoei eta ikastolen zein herri pizkunderako beste ola guztien eraikuntzan konplize izan dituzten denei. Zuen alaba gara. Euskaldunon Egunkaria eta bertan izan genituen kideak, Egunkaria kazetaritza eskola bat adina feminismo eskola bat izan zelako guretzat, eta, horrekin, baita bizitza eskola bat ere. Eta, eskerrik asko, gure bidean gurutzatu zareten euskalgintzako kideei eta feministei, bereziki euskaltzale feministei eta feminista euskaltzaleei. Hau lan kolektibo baten emaitza da; herrigintza sendotzen eta biziberritzen laguntzeko baliagarri bada, bapo.