Zakurrak erotu

Zakurrak erotu zireneko gau hartan

eskufrenuak emanak zituzten autoak

eta aldapa behera abiatu ziren halere

hura zen zaunka egitea gau osoz

Aireak mozkortutakoei nork isilarazi

eta gizonei zertarako balio zieten

hainbeste etxe eta harri

hainbeste lan deskantsurik ez bazuten

Antolatu ziren zakurrak isilarazteko

borondatezko gizonen trenakadak

eta zer uste duzue egin zuela gizonak

herioaren hurbiltasuna adierazten zuen

zaunkadez arduratu ez noski

hilezina izan gaitza hilezin

eta halere zakurrak hil

Dakienak ere nik dakidana ez daki

horretan alferrik dabil

w1991