Amets alde egina

Alde egin dinate amets

Xirripa zorabiatuek

Iturri izandako hodi

Herdoilduetan barna

Mingain ertzetara datorkinan

Metal listu pozoinduaz

Malenkoniaz gogoratzen dun

Han edaten omen zinaten

Dontzeila mantalzuriek

Han kotoizko eztarrietako

Egarri labainkor lotsatia

Omen zinaten asetzen

Han muxukatzen omen zinaten

Ezpain larrosa xurgakorrez

Ur xirriparen dizdira irisatua

Han herenilezko mingain

Lirainak xipristinetan dantzan

Alde egin dinate

Amets kartoi tolestatuek

w1989