tian'an men

airean hondar-borroka

haizea dabil orroka

ate-zaindari, portalez kanpo

hilezinezko dortoka

harrizko ganbeluak lo

nolako ametsak; auskalo!

aldameneko dragoia ere

oraindik isilik dago

hojaldrezko jauregia

harresi gorriz jantzia

teilen gainetik erortzen zaio

goxoki-lerde gaxia

ate guztiak itxirik

apenas dago leihorik

alegiazko erretratua

atalburuan zintzilik

Euskal Herria non dago?

izarrei begira nago

begiak heltzen duena baino

pausoren bat harantzago

                  w1990