Biografia

MADDI SARA GOIKOETXEA JUANENA
(Donostia, 1994)

      Gizarte Antropologian graduatua da, Euskal Herriko Unibertsitatean eta Madrilgo Complutense Unibertsitatean. Txikitatik antzerki zalea izaki, unibertsitate ikasketak bukatu ostean Buenos Airesera bidaiatu zuen antzerki fisikoko ikasketak egiteko, Cabuia: Escuela Internacional de Movimiento y Creación Teatral delakoan. Gerora, sorkuntzak maila emozionalean eragiten zion onuraz jabetuz, Mexikon Arteterapian espezializatzea erabakitzen du, hainbat diziplina artistikotara (dantza, antzerkia, literatura, musika, pintura) gerturatuz, “Counselling y regulación emocional a través de la Arteterapia” diplomaturaren bitartez. Bertan, “Memorias a la deriva: Reconociendo tu historia” izeneko antzerki konpainiako kide izango da. Egun, Oreretan bizi da eta antzerki zein arteterapiako irakasle gisa dihardu nerabe zein helduekin. ehaze elkartearentzat antzerki obren inguruko kronikak idazten ditu. Formakuntza etengabean jarraitzen du, sorkuntza artistikoak maila pertsonal zein kolektiboan ditugun beharrei erantzuteko moduak ikertzen.