Biografiak

 

Miren Tirapu Goikoetxea (Iruñea, 1981)

 

      Centre de Estudis Cinematografics de Catalunyan diplomatua, eta Kultur eta Gizarte Antropologian graduatua. Antzerki fisikoari jarraituz Maria Stoyanova-rekin elkarlanean aritu zen Bartzelonan. Grotowski Institutuan (Polonia) eta E.I.C.TV-en (Kuba) aktore eta zuzendaritza ikastaroak jaso ditu.

      Urte luzez antzerkiko irakasle jardun du, eta hainbat konpainiarekin aktore lana egin du: Artedramarekin Publikoari gorroto (Donostia saria 2013an) eta Hamlet, Vaivenekin Sherezade eta tipularen azalak (Donostia saria 2018an), besteak beste. Zuzendari eta aktore lanetan jarduten du sortu berri duen konpainian: Beheko Larraine.

 

 

Beheko Larraine

 

“beheko larraine erabiliko zuten eta duten
guztiei ahotsa eman nahian…”

 

      Euskal antzerkia eta sorkuntza xede duen konpainia. 2016an sortu zen, Nafarroan, Lekunberrin hain zuzen ere. Ibilbide motz honetan hainbat antzokitan ikusi ahal izan ditugun bi antzezlan plazaratu ditu:

      2015ean ZuBi sariarekin eta Kultur Sormena laguntzarekin Atte hil aurretik lana taularatu zuen. Zumaiako Aita Mari antzokian estreinatu zen 2017an.

      2018an Manifestu bat estreinatu zuen, eta ondoren, Libanoko International Women’s monodrama Festival-era bidaiatu eta Aktore Onenari saria jaso zuen.