JAUN ERRUKIORRA

        (hamalaukoa)

Gazteleratik itzulia

Txerren-ek lardaskatuzko lohidi higuingarrian

narras dut gogoa: zeure iduriz sorturiko

arima garbia: zeure eskuek jantziriko

soineko zuria... Jauna, ogen egin nuan!

     Lor-atsekabe larriak sortu zituen nigan

ogenak; minago baita, eztizkoa baino.

Beldurrez ninduzun, Jauna, banekielako

tximista-ortzirien jabe zu zeundela goian.

     Ta, zure zigorbidezko oinaztarri larria

usterik, jo dizut begiz ortzia, izu-izuan...

Ez zenidan, Jainko on horrek, eguzkia jaurti!

Ez zenidan uka ere berorren argia!

Errukizko izpia zeneriodan^[1], artean,

ezin agortuzko Maitasun-Iturri bizi!...

1917

[1] jario zenidan