SUPER POZIK

Dimisioa eman du txepetxak.

Deblauki utzi dio

gutxien espero genuenean

hegazti izateari.

Ez diat berriz ere txepetxeraz egingo,

xuxurlatu omen zuen bere artean,

lumatu egin zen,

gorbatatu egin zuen

propio sorturiko fabrikak.

Txepelerriko alkate dugu

gaur egun.

Hegoak ebaki banizkio

kantatzen du

kamera bat hurbiltzen zaion bakoitzean.

Txepel saria eman diote

gehien espero genuenean.

Super pozik dagoela diotse

elkarrizketa egitera joaten

zaizkionei.