Keinu konplizeak
Keinu konplizeak
2018, poesia
88 orrialde
978-84-17051-12-9
azaleko irudia: Kepa Gonzalez
egilearen argazkia: Dani Blanco
Karlos Cid Abasolo
1963, Madril
 
 

 

BABELGO NOBLEZIA

 

 

Printzea ziriliko izatera jolastu zen,

metodikoki alfabetoak prozesatu,

fonema hemen, morfema auskalo non,

azentuaren errege,

enperadore janbiko,

izenordain deritzon goroldioa daukana

itsasorratz bakar.

 

Hatsean zen Hitza,

zezeldu zuen museotik konfiskatutako

mitra janzteaz batera.

 

Ametsetan

legenardun bat irten zitzaion bidera.

Maite haut, esan zion legenardunak.

 

Itzartu zenean,

hitz hori bilatu zuen

munduko hiztegi guztietan.

 

Alferrik.