Bitartean heldu eskutik
Bitartean heldu eskutik
2001, poesia
104 orrialde
84-95511-48-7
azala: Ikeroker
Kirmen Uribe
1970, Ondarroa
 
2021, nobela
2019, poesia
2016, nobela
2012, nobela
 

 

GERRAOSTEA

 

Antzarak igaro dira urrian magal bipiletatik.

Haurrak konturatu eta korrika doaz atzetik.

«Ezkontza, ezkontza» egiten dute oihu.

«Puntako biak ezkongaiak dira»

esan dio neskatiletako batek ahizpa gazteari,

«eta hegaletakoak gonbidatuak».

 

Antzarak igaro dira urrian magal bipiletatik.

Korrika doaz haurrak atzetik.

Adokin bustietan beren oin biluziek

negu gorria aurreratzen dute.

«Ezkontza, ezkontza».