memoriarik gabeko urtxori ezdeusa, ez huke

      kezkatu behar;

egunaren erretenetatik ihes doan argi gorrizta

      ez duk galduko,

eta ez duk betikoa ere izanen arratsaren odolustutze

      nagi hau, ez, (MAINAIA)

portzelanazko ontzi beltzean ixuriko duk

eta limoien gisa horituz

bihar itzuliko duk berriro

  (hodei bakanak

  garisail distiratsuetan bihurtzen

  ikusiko dizkiagu)

eta ordurako

ezkutatuak izanen dituk Van Gogh,

edo hi

  hi herorri,

mintzen hinduten bele saldo gosetiak

                                                      Theo