Biografiak

 

 

Patricia Urrutia Urieta (Bilbo, 1977)

 

Patricia Urrutiak Philippe Gaulierrekin (Londres) eta Mar Navarrorekin (Madril) antzezle-ikasketak burutu ditu. Horrez gain, musika eta biolin-ikasketak ditu, baita ehuko Filologia Klasikoko lizentziatura ere. Hizkuntzak, antzerkia eta musika zoratzen maite ditu. Antzerkia antzeztu, idatzi eta zuzendu du azken urteotan; Benetan Be Teatroaren jaiotzatik ekoiztu ere egiten du. Nekeak neke, ardurak ardura, munduko beharrik onena daukalako konbentzimendua dauka.

 

 

Benetan be

 

Benetan Be Teatroa zubi deialdiaren bultzadarekin Inondik inora proiektu kuttuna aurrera ateratzeko sortu zen ekimena da. Euskaraz eta antzerkiaren bitartez bizitzan sortzen diren galdera, zirrara eta beharren aurrean hausnarketarako sormen gunea izateko indarrak mugiarazten du. Indar horrekin berarekin jaio da Porno vs Afrodita (edo I ♥  #gorkaurbizu) antzezlana, ikusle gazte eta ez horren gazte, heldu eta oraindik heltzear daudenei zuzenduta. Hainbat zalantza, grina, ezintasun, aseezintasun eta beste horrenbeste ergelkeria sexual eta afektiboez elkarrekin barre egiteko xedez.