GOIZA

                  I

Goizero eguzkiak, harresiaren gainetik sortuaz,

Atearen kontra jaurtikitzen ditu bere

        errainuak,

Baina atea ez da irekitzen.

Gartzela barruan, ilunbetan dago

        guzia.

Baina guk badakigu kanpoan

eguzkia sortu dela.

                  II

Esnatzerakoan zorriak hil behar

        ditugu.

Zortziretan, gosari arrantxorako

        deia aditzen da.

Goazen! Jan dezagun, ea alaitzen zaigun

        bihotza

Orain arte oinaze izan da guzia,

        baina helduko dira sasoi hobeak.