NABULUSEKO ORTUAK

Kanpaiak lako loreak erre dituzte labeetan

erlerik balego nork jan ezti metaliko hori?

Ireki dute taberna bat jartzen duena cervecería

kolonookin aritu naiz eta ez dute hizkuntza ikasi nahi

kakak eta txizak zuzenean doaz hodi batetik

eta ez dira biltzen, gero ez da harritzekoa garraztea

Castelaoren sardinak mahaietan

nik neuk akabatu egingo nituzke denak

baina guri ere lagundu egin ziguten

potentziek, Mexikok, gazteek diote gerra gerra gerra

jadanik ez dute inor zerbitzatzen

hesira goratu dira, poetikoa da

eta ez dakit gauzatuko den ezer

baina zauri gabeko odol hau ere…