IDENTIFIKAZIOAK

Basoko adarretan haizea

Ur-latsetako arnasa joankoia

Autopistetako narrastien orroen urruna

Hirietako taupaden bolumena

Etxeko iturrietako zotina

Izozkailuaren dardara nekrologikoa

Egur zaharretako min deserosoak

Entxufe horren kalanbre espasmodikoa

Lanpararen itotzeko gogoa

Atearen artrosi degeneratiboa

Itoginen jario mingarria

Bainuontzian plat-plat egiten duten

eskuturretik jausiriko odol tantak