IBAI ONA

zarenean fereka azal nirean

gaueko atzazaletan

ezpain tanta begirada gardenean

saihetsak belarri direnean

iris orlegiak ilun,

orain zure ez-tasunean

urruneko ohean

harramazka nazazu

bizkarrezur landu gabean

kirola egin beharko nukeenean

goxo, xume, xalo

udare-ura zara otsaila amaitzean

xalo, xume, goxo

egunerokotasuneko laztana da

itxaropen goxoena

eta udarearen zukua

goxo, xume, xalo

udare-ura zara otsaila amaitzean

xalo, xume, goxo