ERREPIDEA

gasolindegian utzi ditugu

berandutu egin diren promesak

eta berriro mugitzen hasi da errepidea

kristalean etengabe berregiten diren errekak

argiak piztuta daramatzagu eguerdian

distantziak hurbildu ahala handitzen dira

marra zuri eta seinale artean kateatuak

harat-honat ibiltzea askatasuna dela iritzita

auto berean goaz gu bi norantzetan

betile okertu bat nola

hala sartu zait asfaltoa begira

errazago labaintzen gara zoru bustietan