etxe guztiak etxe bera dira

denek dute bakarrik mugitzen den zabu bat

haizeak oroitzapen basati bat

kulunkatuko balu bezala

denek dute ama eta semearen

margolan bera sukaldean eta begi guztiei

odola darie

etxe guztietan ardiek

leihoaren beste aldetik begiratzen gaituzte

hirunaka beti hirunaka

bakarrik egiten dugu lo

edo binaka edo denak

gela bakar batean baina inoiz ez

hirunaka inoiz ez

ardiek bezala

egur beltzezko paretak

amildegiaren ertzean altxatzen dira

sakonune gailur desertu zuri batean

gure barruan etengabe jario diren

ur-jauzien alboan

zabuan kulunkatzen den izakia

amaren begietatik isuritako odola

ardiak irentsi genituen

errauts-zutabe baten antzera hazi

eta etxea irentsi genuen

desertu amildegi bilakatu ginen

etxe guztiak etxe bera dira