Susa literatura - Carvalho Euskadin

Iruñea, 2016. Gobernu autonomiko berriak goi mailako kultur jardunaldi bat antolatu du, eta Sanchez Godin intelektuala ezusteko bat ematekoa da bertan: Manuel Vazquez Montalbanen nobela argitaragabe bat agertu da, Carvalho Euskadin izenekoa. Ezustekoa, ordea, nobelaren bat-bateko desagertzeak emango du, eta Jon Alonsoren protagonista ezagunaren, Enekoitz Ramirez Lanbasen, esku geldituko da kasua.

Bartzelona, 2003. Pepe Carvalho detektibea Ramblei begira dago, Guadalupe Agirre euskal enpresari handienetako baten enkargua jasoko duenean: 1982an desagertu zen Kokotxa militantearen neska-laguna aurkitzea. Ordainsari altua eskainiko dionez, aurrera egitea erabakiko du Carvalhok, giro arraro baten erditik: esan gabekoak, paper misteriotsuak, jarraipenak...

Bi nobela batean harilkatu ditu Jon Alonsok lan berrian, hari beltzez harilkatu ere, Euskal Herriko politika, janariaren zeremonia, historia hurbila eta literatur munduaren argi-ilunak lotuz.

elkarrizketak:

Jon Alonso: “Idazleen artean gutxien gustatzen zaidana 'ninismoa' da” (Berria, 2024-08-10)

Jon Alonso: “Ez naiz gauza izan nobela hau idazteko gaur egun arte” (Gara, 2024-04-03)

audioak:

Aurkezpen pilula, (2023-12-23)

“Paraleloan”, Naiz Irratia, Oihana Azkue (2024-02-28)

bideoak:

Artefaktua (2024-04-27)

kritikak:

Bi astinaldi batean, Joxe Aldasoro, Deia, 2023-12-23

«Izenburuan adierazten denez, Manuel Vázquez Montalbanen pertsonaia aski ezaguna bereganatu du: posible ote da? Galdera erretorikoa. Noski, lehen eleberriaren pertsonaia aitzakia da, arrazoia nahiago baduzu, bigarrena idazteko. Bi eleberri, bi astinaldi baten prezioan».

Carvalhok Lanbas topatu zuenekoa, Asier Urkiza, Berria, 2024-03-10

«Zehar estilo libre gihartsua praktikatzen du, idazkera bizi-bizikoa. Eszenak berehala kokatzeko gaitasuna du eta elkarrizketetan maisua da. Pasarteak behar baino gehiago ez luzatzen ere asmatzen du».

Dagoeneko existitzen ez den eleberri bat, Aiora Sampedro, El Diario Vasco, 2024-03-29

«Alonsoren ekarpena Vazquez Montalbanen eleberrietan euskaldunen inguruan agertzen diren estereotipoak, aurreiritziak eta txisteak baliatuz, Carvalho protagonista izango duen euskal lurretako misterio bat eraikitzea izango da. Ispilu jolas dibertigarria osatuz, puzzlearen fitxak elkartzen joan nahi duen irakurlearentzat».

Carvalho eta Lanbas, aurrez aurre, Jon Jimenez, Gara, 2024-08-25

«Eleberri bi batean dotore harilkatuz, Lanbasi bere estilo lotsagabea eta lehen pertsona eman dizkio eta, Carvalhori, berriz, zeinaren hizkera ere antzeratu duen, hirugarren pertsona eta jarrera soil eta eleganteago bat».