Poesia kaiera
Poesia kaiera
2001, poesia
64 orrialde
84-95511-24-X
Joxe Austin Arrieta
1949, Donostia
 
 

Gautik gaurako argigune labur

ei da bizitza, herio-iruntzi,

atabal urrunen durundi, gezur

sinesgarrizko sare, su-burruntzi.

 

Hutsaren hurrengo urrats ahalge

arinek diruten oihal hauskorra,

euri zimelen erauntsi euskorra,

sabai umelen itaizur taigabe.

 

Ezetz diot nik, betiko Scila

'ta Caribdisen lelotzar sotila

arbuiaturik, dagidan bidea

 

hutsetik hutsera, zein den xedea

jakin gaberik, erromes umila

soilki, ez nondik ez nora gabea.

 

w1986