Poematxuok ba-doaz,

zer nai daben jakin gabe,

neure arima au bidez doan lez,

arantz eta lore.

Arantz eta lore doaz,

ez euskaldun-biotz gabe...

Euskaldun batek zer gura dauan

gatx jakin leiteke.

Ezin aitu poema ok

biozkaden barri gabe.

Elorri berak lore ta arantzak...

Pozak, miñen ume.

Elorri-loren tankeraz,

txiki ta, eskasik gabe,

batzuek laiñoz, besteak argiz

edegi dirade.

Baiña loreak ez dira

zabaltzen zentzunik gabe...

Zergaitik diran... itaundu

egin bear jakee.

w1961