poema hilak plater beltzak dira gosea ase ezin duten marinelengan

goazen

goazen nora ez dakigula ere goazen

asko jota hil eginen gara

begi zuringotan karizia hotzak

labana gogo zorrotza

poeta gazte anitzek Dylan dik gaur desio 

galburu erreei kantatzen eta prostituta segailei

kale zokoetan iazko udazkena txatxarrak janda dago

eta hire bihotza or-sagarra ardi amorratuei bota

erloju matxuratua irudituko du gauak

egiok beldurrari koska

ukitu gabeko sexuez behar nauk damu

aingeru eroriekin bat egin

hire sabeletik neguko jauregira sartu

hire tristeziara tropa guztiekin iritsi

eta borroka irabazteko

hilotzek zerraldotan eguzkia hartzen diate