Biografia

SARAH KANE

(Essex, 1971-London, 1999)

      Bristoleko zein Birminghameko unibertsitateetan Arte Dramatikoa ikasitako zuzendari eta idazle britainiarra dugu Sarah Kane. Bizitza eta obra kopurua laburrak izanda, kritikak meritua ez zion errekonozitu, Zartatua-ren 1995eko estreinalditik hamar urtera, Harold Pinter (1930-2008) eta Edward Bond (1934- ) autore kanonikoek beren miresmena aitortu zioten arte. Momentu horretatik aurrera, Thatcher Belaunaldiko sortzaileen artean (hots, In Yer Face mugimenduan) egile garrantzitsuena iritzirik, Europan zehar maiz oholtzaratzen zen —eta den— lana dugu Kanerena.

      1996. urtean Fedraren maitasuna  (Phaedra’s Love) zuzendu eta handik hiru urtera Garbituak (Cleansed) eta Grina (Crave) estreinatu zituen. Azken testua, 4.48 Psikosia, 1999an bere buruaz beste egin ondoren, Royal Court Theatren antzeztu zuten 2000ko denboraldian.