Babiekaren hotzikarak
Babiekaren hotzikarak
1986, poesia
80 orrialde
84-398-5730-6
Joseba Alkalde
1955, Lekeitio
 
 

 

—1—

 

bai, goxua

gartzelaretoen dibagapenetan

benereen zemaia norainokoa den susmatzen

botatzen den denbora

zure gela konbentzionaleko Tapiesarenpean ukitzen dudan ikara (bezala) da,

hestutasunaren gordailu; baiezko edo ezezko

«dis-moi ce que tu penses» penazko irrifarrez ozonoratzen dugun bitartean

ez natzaizula zahartzarora helduko zinatzen dinat,

eta halako usaiagatik,

eskekoen albotik pasatzean ez dudala arnasarik eutsiko,

salda gaineetako koipegun horirik ez dudala kontatuko,

zinatzen dinadan bezala,

bai, Salo, jadanik

zein estupidoa den iturriak bilatzea!,

sekula barkatuko ez nianaren arima topatzen bahitu nuen denbora orain

premiazko bihurri zarala aitortzen desbahitzen dudana da

eta ene ruina izango zaralan jaurtikitakoa

injekzio ia burgesekin berreskuratzen dudana,

bai, Salo, guzti hau

Stivell grabatzen ari natzaizun betiko arrats euritsuaren topikoarenpean.