—48—

naturalki baino noskiago oraindik

Gazako eremuetan eriden ohi zen:

poetaren jaraunslea;

                                bizi hutsal hontako

                                mendi usteletako

                                mehatz ustelen

                                mineral ustelaren

                                atomo ustelera artio

linburtzen ari den alimaña otzanari

biziko zaion pena;

ximur ximur

prendador bat medio

boligrafo atzeak ausikitzera hondakariki

naraman boterea; ez datzana

ez eguzkiaren sekretoak salatzean

ez maiatzeko ordurik goibelenean puzzlea osatzean

ez euliak uxatzean

ez dabiden 23. salmoan

gorantz gorantzka

loreak kultibatzen diharduen hauskera ia zanganubera zimurra.