Bitsa eskuetan
Bitsa eskuetan
2010, poesia
96 orrialde
978-84-92468-23-2
azala: Arrate Rodriguez
Miren Agur Meabe
1962, Lekeitio
 
2020, poesia
2019, narrazioak
2013, nobela
2000, poesia
 

 

URRUNAGO IGERI

 

Ez du balio men egiterik.

Garaia da esateko.

 

Hona hemen nire ile gorria,

mamu tematien kukuleku.

 

Behatu nire begiei,

bata itsua, bestea hautsez josia.

 

Hauxe da nire mihia,

partez zigortu ezina, partez jada galdua.

 

Horra nire eskuak,

adabaki-jartzaile, iruzurren predikari.

 

Hemen da bularra,

argitan erdi bi eginik, eta hain ilun.

 

Ikusi gerria eta sabela,

urdinduraren ehizaki bigun zimur.

 

Izterrak, belaunak, orkatilak, oinak,

biki tristeen gisako, barbaroen erasopean.

 

Andre mamitsua nauzu:

euskal poesiaren larrosa.

 

Txute bat zainetan da nire usaina:

zientoka liztor datozkit hurrupan.

 

Ispiluak ditut azalean:

nire trakeak badu izan bere mintzoa.

 

Ez du balio fedea galtzerik.

Zehatz jo du, tai gabe, urrunago igeri egiteko orduak.