APIRILEKO EGUERDI

Apirileko eguerdi eguzkitsuan

kulturaren sorterria den

Mediterraneoko portu honetako

kai nagusian atrakatu du

goleta airosoak.

Ameriketako lurrralde ezagutu

berrietatik

dator

gure eskazia

betirako deuseztatuko

duten hazi

oraintsu arte ezezagunez

gainezka zamatuta:

Artoa,

lursagarra,

espezie usaintsuak

eta beste fruitu.

(Marinelen hankatartean,

zorne izurtze estrainoa:

Aro oparo baten hasiera ).

Apirileko eguerdi - Ameriketako lurralde ezagutu berrietatik ekarri ziguten sifilisa Europara mendeku gisa edo, itsasoaz bestaldeko indiarrak, aldiz, milaka hiltzen zirelarik, europarrek kutsatutako hainbat gaitzek, jota.