Eta zergatik ez... Sigrid?
Eta zergatik ez... Sigrid?
1983, poesia
80 orrialde
84-300-9874-7
Eneko Olasagasti
1960, Donostia
 
1985, poesia
Gorka Setien
1958, Barcelona
 
1985, poesia
Maripi Solbes
 
 

 

Eta poesi bat,

      Estebanentzat idatziko banu

eta berak irakurriko balu

              nik esango nioke

    ez duzu zergatik galdetu behar Esteban,

        badakit

                  bai

                  gustatzen zaizula

        eta ez dudala arbola horretara joan behar

                                        poliki kulunkatzeko,

                          zure gorputzak estaltzen du nahiko

                                            gela honen lurra

                                  gela honetako loreak

                                                    erotismoaren perfumez

                            ez duzu jarri behar pintura

                                        haize nekatua

                                          zure begietan

                                          hilko zarenean,

                                                            ni poztutzeko,

                                                    poztu egingo naizelako.

                                    Inoiz ez diot txoriari

                                              edo gladiolo horri galdetu

                                    zer zinen

                                            denbora beti dagoelako

                                                    hitz guztiak

                                                edozein hitz

                                      izarren kajoi batetan gordetzeko

                                    bainan bitartean

                                                            ikusten zaitut

                                                        eta zara

                                                    izarra baino ederrago

                                                  hitza baino pisuago

                                                nekea baino arinago

                                                  gaua baino arrosago

        bazera

    ipuinetako ume luze bat

              galduta dontzeilaren paradisuan

bazera ahuntz bat

                    ardi bat

                        musu bat

                              luma bat

                                    hogeitazazpi karizia.