EUROPA

Hegan dabil poliziaren helikopteroa

jadanik hondakin baino ez den

auguratorio erromatarraren gainean.

Behean, austeritate legeen kontra

faxisten aurka sortutako kantak

abesten dabiltza militante zaharrak,

orain harriei eta orain pertsonei

argazkiak ateratzen jarraitzen dute

Europa ezagutzera etorritako turistek,

eta keinu bakoitzaren zirrikituetan

ohartezin doa azaleratzen etorkizuna.