Gasolinaren mamuekin eztabaidan

korritzearen dialektikaz

otsaila hurbilegi bait zegok

maletaz estalitako arrainak urrutian

karretera alboetan aurkitu hilotzei

abestu genizkien balada zaharrak bildu

gurpiletan ito zitzaigun astia

noiz bazkaldu genian azkenekoz itxaropenarekin?

soro iluna duk aurkitu genian

hegaztia

gelditu ginenean zalaparta huen

hasieraren mehatxua

gelditu ginenean

orduan hasi huen ihesa